Dơn nău jă bah Ngih dak Nhật Bản, wa Trương Thị Mai, Ủy viên Bộ Chính trị, Rnâng kan Ban Bí thư, Kruanh Ban Tổ chức Trung ương, Kruanh Rmôt Nghị sĩ tâm rnglăp Việt Nam - Nhật Bản, leo mpôl ntơh măt gưl têh Đảng he khâl n’hanh pah kan ta Nhật Bản ntơm bah nar 31/3 - 03/4/2024.

Tâm ăp nău kan lor bôk năp bah trong hăn khâl, Mpôl hăn hŏ geh ăp rơh ôp srĭng nău đah Groi kruanh Đảng Dân chủ Tự do mât bôk Aso Taro, Tổng Thư ký Đảng Dân chủ Tự do Motegi Toshimitsu; wơt Thống đốc n’gor Wakayama Shuhei Kishimoto; mâp cán bộ, đảng viên ntoh lư bah Đảng bộ n’hanh Đại sứ quán Việt Nam ta Nhật Bản. Rnê âk njuat hăn hun hao dăng, lam lĕ rngôch, ngăn ngăn đah bar dak lôch 50 năm njêng tâm boh, wa Trương Thị Mai lah rjăp Việt Nam du trong uănh khlay tâm boh têh jong lam lĕ rngôch đah Nhật Bản; mbra tâm boh đah Chính phủ, Đảng Dân chủ Tự do n’hanh ăp chính đảng, ăp n’gor bah Nhật Bản ndơ̆ tâm boh bar dak hun hao jru hvi, lam lĕ rngôch, tâm di đah rnoh têh kuâng mhe bah tâm boh bar ding./.