Ta rơh tâm mâp, đồng chí rnâng kan Ban Bí thư rhơn ăp nău dơi khlăy ta ăp nău kan ma Nhật Bản lĕ dơi geh tâm ba năp nơh, nkre lah mbơh tơih mpeh ăp nău dơi hun hao wăng sa- rêh jêng, nchră nău đah dak bah dih bâh Việt Nam bâh bôk năm kan Đại hội 13 bâh Đảng tât aƀaơ.

Mpeh trong kan tâm kơl tâm let năp tay, bar ding tâm ban ŭch n’hao tay nău tâm knơm mpeh chính trị n’hanh gĭt vât ndrel bâh nău mât ƀa ƀơ rơh tâm mâp gâl têh n’hanh ăp gâl, n’hao nău săk rnglăy ăp trong kan tâm kơl n’hanh tâm nchră đah ăp ding bâh ăp ntŭk kan Đảng, chính phủ, Quốc hội, ntŭk kan ƀon lan n’hanh đah ăp ntŭk geh nău dơi bâh 2 dak, nsrôih ntrôl tâm kơl mpeh wăng sa- tăch rgâl, ntuh kơl n’hanh ăp trong kan ngăn ngên tâm di đah nău dơi n’hanh nău ŭch hun hao bâh ăp dak.