Kêng măng nar 25/3, ta Nhih pah kan Trung ương Đảng, wa Trương Thị Mai, Kruanh Ban Tổ chức Trung ương hŏ wơt Kruanh Quốc hội Phần Lan Jussi Halla-aho nkhêp geh hăn khâl  ngăn Việt Nam.  

Wa Trương Thị Mai lah kloh du đêt trong rƀŏng, trong nkra têh gay pơk hvi n’hanh  n’hao nău tam pah kan  tâm boh đah bar dak tâm ăp trong kan kơt công nghiệp nkret njêng, si gle jŏ jong, rgâl kloh uĕh,  gay ntrŭt ntrôl tâm boh wăng sa, tăch rgâl, ntuh kơl. Păng lah rjăp nău khlay  n’hao âk trong tâm khâl mpôl kan gưl têh, tâm boh ta ăp trong kan đảng, Quốc hội, đah ăp n’gâng kan n’hanh tâm nđŭr ƀon kan. Kruanh Quốc hội Phần Lan lah rjăp bar dak ân hôm geh âk tâm geh tâm boh tâm ăp trong kan ma Phần Lan săk  geh âk n’hanh Việt Nam geh nău ŭch dŏng, Việt Nam lah ntŭk tât uĕh bah ăp  doanh nghiệp Phần Lan; bar dak ân ntrŭt ntrôl tay, njêng nău rgâl dăng mpeh tâm boh ta ăp trong kan./.