Ôi nar 21/3/2024, Rơh hop ndal tâl 6, Quốc hội khóa XV hŏ ƀư ta Jay Quốc hội, Thủ đô Hà Nội ta nâm nău ƀư tơm bah Kruanh Quốc hội Vương Đình Huệ gay tĭng ƀư nău mĭn uănh an rlu ƀư Kruanh dak Cộng hòa xã hội chủ nghĩa Việt Nam năm kan 2021 - 2026 n’hanh an rlu ƀư đại biểu Quốc hội khóa XV đah wa Võ Văn Thưởng mpeh Mpôl  đại biểu Quốc hội nkual ƀon têh Đà Nẵng.

Lôch răk rblang ăp siƀŭt mbơh, siƀŭt rblang dăn, nău rgop bah wa Võ Văn Thưởng, Quốc hội hŏ ƀư tâm nchră, nklăch phiếu ndâp n’hanh uănh an dŏng Nghị quyết mpeh nău an rlu ƀư Kruanh dak Cộng hòa xã hội chủ nghĩa Việt Nam năm kan 2021 - 2026 n’hanh an rlu nău kan đại biểu Quốc hội khóa XV đah wa Võ Văn Thưởng mpeh mpôl đại biểu Quốc hội nkual ƀon têh Đà Nẵng.

Lôch rnôk dŭt jêh rơh hop ndal tâl 6, Quốc hội khóa XV, nsing tâm Hiến pháp dak Cộng hòa xã hội chủ nghĩa Việt Nam n’hanh quy định bah pháp luật geh tât, Ủy ban Thường vụ Quốc hội hŏ n’gluh nău mbơh mpeh nău dơi manh ƀư Kruanh dak Cộng hòa xã hội chủ nghĩa Việt Nam. Tĭng nê, wa Võ Thị Ánh Xuân, Groi kruanh dak dơi manh ƀư Kruanh dak Cộng hòa xã hội chủ nghĩa Việt Nam ntơm bah nar 21/3/2024 an tât rnôk Quốc hội sơch geh Kruanh dak mhe.