Wăng sa-rêh jêng bah n’gor Kon Tum tâm 3 khay aơ hôm saơ âk nău hŭch. Aơ lah gĭt năl ta Rƀŭn nchră rơh tal 15 Ban Chấp hành Đảng bộ n’gor Kon Tum khóa 16 ƀư ôi 28/3. 3 khay năm 2024 sŏk geh tơm prăk ngih dak bah n’gor Kon Tum nklăp 830 rmen prăk, kŭng geh 18% nchrăp geh n’gor jao, mô đăp mpăn ngăch. Tâm 3 khay bôk năm Kon Tum knŭng wăch rgum geh 2 nău nchrăp ƀư ntuh kơl đah dĭng lĕ prăk dăn ƀư 56 rmen prăk.

Rƀŭn nchră Ban Chấp hành Đảng bộ n’gor Kon Tum rgum nchră, uănh lah săk rnglăy dơi geh, hôm e nkân, hŭch tâm ƀư tĭng nău kan wăng sa rêh jêng, mât njrăng bri dak, rnă njrăng, ndâk njêng Đảng, trong chính trị 3 khay. Rblang, ƀư kloh nkô̆ nău, ngăn lah nkô̆ nău geh ơm, năl lah nău kan bah tĭng Tỉnh ủy viên, nuĭh djôt bôk n’hanh nsum mpôl ngih pah kan, ntŭk kan, ƀon lan đah ăp nău hŭch, nău tih nkre dăn đă nău kan khlay, trong khlay gay mkra.