Tâm rnôk COP27, ôi 8/11, Mpôl Việt Nam tă bah Kruanh N’gâng kan Tài nguyên n’hanh Môi trường Trần Hồng Hà êo trong hăn pah kan đah Rmôt ngân hàng lam ntŭr neh (WBG) mpeh ntrôl dăng nău n’hŭch nsŭk m’hŭl duh jay bil gay rdâng đah rgâl trôk nar.

Kruanh N’gâng kan Trần Hồng Ha pah kan đah Rmôt ngân hàng lam ntŭr neh bah dih COP27

Ntoh ngơi ta rgum nchră đah tât râng bah Kruanh Ngân hàng lam ntŭr neh wa Đavid Malpass, Tổng thống Tazania, Tổng thống Mozambique, Kruanh N’gâng kan Trần Hồng Hà lĕ nkoch ăp nău nchrăp ƀư, trong mkra, trong ƀư bah Việt Nam tâm nău ƀư tĭng ăp tâm ton đah WB mpeh rgâl trôk nar. Mpeh đah nơm, Kruanh Ngân hàng lam ntŭr neh wa David Malpass uănh lah ăp nău nchrăp ƀư bah Việt Nam lĕ jêng n’hâm soan dăng n’hanh geh săk rnglăy. Tâm boh bah WB n’hanh Việt nam tâm bôk nău kan ƀư tĭng rgâl mrô lah ntrong kan an ăp dak n’hanh nkual. Wa David Malpass lah rjăp WB mbra hăn ndrel tay đah Việt Nam ngăn lah tâm di rgâl trôk nar.