VOV4.M’nông – Kruanh dak Nguyễn Xuân Phúc mhe ký nău ntrŭnh mpeh nău an ndơ an du đêt nuĭh geh soan đah cách mạng di rơh Tết Nguyên đán Nhâm Dần Năm 2022. Tĭng nĕ, rnoh an 600 rbăn prăk an nuĭh geh soan đah cách mạng, geh: Nuĭh pah kan cách mạng bah năp nar 1/1/1945 dôl geh ntop kơl an ăp khay; Nuĭh pah kan cách mạng bah nar 1/1/1945 tât nar khởi nghĩa khay 8 năm 1945 dôl geh ntop kơl an ăp khay; Mê̆ Việt Nam janh dăng dôl geh ntop kơl an ăp khay; Anh hùng Lực lượng vũ trang nhân dân, Anh hùng Lao động tâm rơh tâm lơh tâm su dôl geh ntop kơl an ăp khay; Tahen sôt săk, nuĭh geh kơl kơt tahen sôt săk, sôt săk loại B, sôt rmanh geh rnoh khuch săk jăn bah 81% let lơ dôl geh ntop kơl an ăp khay... Nuĭh bên tahen khĭt dôl geh ntop kơl an mât rong ăp khay n’hanh nuĭh bên bah 2 tahen khĭt let lơ dôl geh ntop kơl an mât rong ăp khay dơi dơn ndơ 600 rbăn prăk. Rnoh ndơ 300 rbăn prăk an du đêt nuĭh geh soan đah cách mạng êng.  

Nuĭh rblang: Y Sưng Phê Ja