VOV4.M’nông: Tâm nau n’gur ueh bah [on lan rnôk tât năm mhe, lam dak nchrăp vơt têt năm mhe Kỷ Hợi 2019, kônh wa ta [on Wiâo A, nkuăl têh Krông năng, nkuăl Krông Năng, n’gor Dak Lak, [ư ôp brah ndrâm dak, hôm ntơ lah tết ntruh dak, gay ma lah ueh du năm rlau aơ săk play lay mbôn, dăn brah yang năm mhe âk ba, âk mbo, ăp nu\ih tâm [on n’hâm soan ngăch ngâr.

Ntơm bah kăl e, kônh wa rnoi Rđe, ta nkuăl Krông Năng uănh khlay ngăn tơm dak, uănh ndrâm dak lah tu tơm bah nau geh jêng.

Ndrâm dak têh ngăn bah nkuăl, ti\ng nau vay, lah yor bu druh H’Năng joi saơ ti\ng 7 tơ\ luh khlay. Moh săk dak me Krông H’Năng a[aơ geh moh ti\ng moh săk bu druh, gay nkah nuih n’hâm bah bu ur druh ho\ nsôih yor [on lan khi\t tâm ndrâm dak nơm joi saơ.

Ta [on Wiâo A, ndrâm dak mro geh mât ueh, đah âk tơm si têh ndrih, tơm dak mro rsang rngăr.

Gay lah ueh brah yang yor du năm lap âk, wa Y’Cho Mlô, tơm ndrâm dak ho\ nchrăp du mlâm sur. Du ngan ndơ ôp brah geh Bôk sur, săk  sur, jâng, chiăng, proch khu\ng, mham.

Ndrel ma 3 yăng ndrăng, du mlâm sah, du mlâm yeh tuih, ăp ndơ do\ng ueh khlay ngăn bah nau [ư mir Tây Nguyên.

Rnôk nar  hao prêh, nau nchrăp mư jêh. Bu ur druh, bu klô ndăm tâm nah ao ueh ngăn, ndrel hăn tât ndrâm dak [on nơm.

Lor ma tât ndrâm dak, kônh wa veh tâm ngih r[u\n nsum, rep kloh ngih vâl ndrel jut kloh chi\ng, gâr, nsưng mpan ndrel ndơ nchrăp ân nar ôp brah. Gay năl lah ăp ntil nchrăp ueh, chi\ng mra geh goh lor ndrel bu ur druh bu klô ndăm tâm [on njroh ti\ng nteh chi\ng.

Tât ndrâm dak, bu ranh Y Wơn Niê ôp brah lah ueh brah yang. Jêh lôch nau ôp brah ri ra so\k yăng ndrănh geh mham sur, hăn tât ăp mbroi dak kêt ndrănh đah nau u\ch dăn brah yang pă dak ân [on lan nơm geh dak ân kloh, hoach mro ndrel rmeh mro.

Jêh lôch [ư brah, ăp nu\ih ndrel ngêt ndrănh, Geh bu ur druh mra bâk dak tâm nông ndrel nsit tâm [on đah nau u\ch lah ntoh nau ân pă ân [on lan ndrel geh ngêt, lah ueh brah yang. Tâm nau vay ơm rnoi Rđe, nau ôp brah dak lah du nau vay ueh ngăn, khlay ngăn.

Ê lor lah lah ueh brah yang mât ân tơm tăm ndrel kônh wa geh du năm mih  nar ueh tâm di, n’hâm soan ueh lăng. Jêh nê lah ntoh nuih n’hâm tâm pă nau ueh lăng , ngăn lah nau tâm tâm rnglăp gay geh du nau rêh hơm răm ndrel đăp mpăn lơn./.

                                    Nu\ih rblang: H’Thi