VOV4.M’nông: Đah nău mpo\ng u\ch wa\r năm mih lăng prăng ue\h, mbo ba ju\r geh, di tâm nar 30/4 ăp năm, rnôk bao ba ho\ dăp bêng jay, nu^h [on lan Plei Rbai, xã ia Piar, nkuâl Phú Thiện, n’gor Gia Lai hôm [ư ôp brah mih đo\ng. aơ lah du trong [ư sinh hoạt văn hoá way ơm bah [on lan nu^h Jarai, dăn an mih lăng prăng ue\h, mbo ba ju\r geh, kon nu^h ngăch dăng lăp tâm khay kan tuch tăm.

            Ăp nu^h bu ranh tâm [on Plei Rbai mô g^t đo\ng bah ntơm nău way [ư ôp brah mih bah rnôk geh. Dơn g^t lah djăt ma tât nklăp kêng du\t khay 4, bu ranh sơch nar, kônh wa tâm [on rgop phe, rgop prăk gay nchrăp ndơ [ư ôp brah dơm. Năm aơ ndơ nchrăp [ư brah ho\ ơm bah khay 3, ăp rnăk rgop 2 lon phe n’hanh 30 rbăn prăk. Rnoh prăk nê gay do\ng rvăt 2 mblâm su\r. du mblâm su\r me tah poăch so\k i bôk n’hanh i bu\t gay pla ta dông ôp brah. Hôm du mblâm su\r êng an le\ ma [on rhơn sa.

            Ntơm bah ơm ôi nar 30/4/2018, nar [on [ư ôp brah mih, bu ur tâm [on ho\ rgum âk mpưm ta jay bu ranh [on Ksor Lo, gu\ch gâm nchră ndơ [ư ôp brah. Druh ndăm bu ur bu klô ndrel kơl gu\ch su\r tâm ban kơt nchrăp ăp ndơ ndơ khlay an [ư ôp brah đo\ng.

            Nu^h hôm [a [a\ ri hăn tât dak me Ayun, ntu\k ma bu ranh [on Ksor Lo ho\ [ư ôp brah ndrâm dak ntơm nơh, gay anh dak to\ bêng rlău du rhiăng yăng ndrănh ma [on lan ho\ ơm nchrăp lor. Mbor bôk năp lah 8 yăng ndrănh têh gay n’hơr an brah yang n’hanh u che yău ye. Yăng ndrănh bôk năp tă bah [on lan rgop n’gon jêng. 7 yăng ndrănh bah kơi nê nt^t an 7 rnăk bôk năp njêng [on plei Rbai. Bah kơi 8 yăng ndrănh nê ri mơ mpr^p ăp yăng ndrănh bah [on lan.

            Di 12 mông nu\ng nar, rnôk măt nar ho\ dâk nklang bôk, bu ranh [on Ksor Lo [ư răch brah. Kơl răch brah geh bu ranh [on Nay Woan. Ndrơng [ư ôp brah hvi nklăp 3m², [ư ta nklang jâng gung, r[o\ng mpeh bah lơ. Lôch rnôk chon mbah trôk neh, bu ranh [on Ksor Lo an ka lơ ndrơng ôp brah bar pe nsiăt poăch su\r. bu ranh Nay Woan pư dông pla bôk, mblu su\r, dâk bah kơi che Lo chu\n bôk mbah. Lôch nê bu ranh [on Ksor Lo răch brah ma nău Jarai. Nkô| bah nău răch brah lah n’hơr poăch mham an ăp brah ka lơ trôk, brah ta neh ntu, dăn an [on lan du năm mih lăng prăng ue\h, mbo ba ju\r geh, ăp nu^h ngăch lăng dăng soih.

            Ndrih ma le\ nău răch, bu ranh [on Ksor Lo hăn tât t^ng yăng ndrănh lor bôk năp, rpêh dak ndrănh jă brah yang ngêt. Lôch nê le\ rngôch mom ndăm têh dăng tâm [on hăn jâng plat n’hanh ngêt ăp yăng ndrănh du đêt gay mbo ba ju\r geh âk. Lôch nê lah kônh wa le\ ma [on lan n’hanh năch khlay ndrel rhơn ngêt sa, rlong tiăm ndrănh yăng n’hanh tâm dăn ăp nău ue\h lăng.

            Bu ranh [on Ksor Lo an g^t, nău way [ư ôp brah mih bah [on Plei Rbai dơi mât [ư mbro tâm rnôk nar 30 khay 4 ho\ pe năm aơ. Gay kon său nđơn mât tay nău way dja, bu ranh [on ho\ trêng nti tay nău răch brah an 5 nu^h tâm [on, n’hanh nt^m nti ăp nău way ơm bah rnoi nu^h he. Bu ranh [on u\ch ro\ng kônh wa [on lan Plei Rbai way mât dơi ăp nău way ơm ue\h lăng bah rnoi nu^h he.

            Mô dơn geh nkô| khlay văn hoá săk ntơr ue\h êng, nău way [ư ôp brah bah nu^h Jarai ta Phú Thiện, Gia Lai hôm lah rnôk gay [on lan Jarai êt lhăt tâm rnglăp n’hanh nkah rơh kơn mom ndăm bah kơi nkah n’hanh mât ndray săk ntơr văn hoá ue\h lăng bah rnoi nu^h he. Râng [ư ôp brah mih năm aơ, wa Siu Thiên, Kruanh UBND xã Ia Piar, nkuâl Phú Thiện an g^t:

            “Nău way [ư ôp brah mih lah nău ue\h văn hoá bah nu^h Jarai, nău u\ch gay an mih lăng prăng ue\h, kơl si gle nđ^r jêng, mbo ba ju\r geh, lơn lah an kônh wa [on Rbai dja rgâl nău rêh. Đah xã, ăp năm, UBND ntop kơl mpeh rnă njrăng chính trị n’hanh drăp ndơ gay [ư ue\h nău way ôp brah đo\ng. Mpôl hên ân mât văn hoá bah nu^h Jarai ta aơ”.

            Nău way [ư ôp brah mih bah nu^h Jarai ta xã Ia Piar dơi Bộ Văn hoá- Thể thao n’hanh Pâl nđaih kơp dơn lah Drăp ndơ văn hoá mô mpơl săk gưl ngih dak tâm khay 6/2015.  Gay kơl kônh wa mât ndray hun hao drăp ndơ ơm yău ntlơi an dja, rgop hun hao wa\ng sa pâl nđaih n’hanh [ư âk mpưm tay nău rêh văn hoá nuih n’hâm bah nu^h [on lan tâm nkuâl, wa Nguyễn Ngọc Ngô, Groi kruanh UBND nkuâl Phú Thiện, n’gor Gia Lai, an g^t:

            “Nkuâl Phú Thiện geh 16 rnoi nu^h oh nô gu\ rêh, jêng geh du\t âk săk ntơr văn hoá. Lơn lah rnoi nu^h Jarai [on tơm ta ntu\k, geh nău way ơm ôp brah kơl ue\h kon nu^h du\t geh âk lịch sử văn hoá. Na nê| lah năm 1993, Bộ văn hoá thể thao pâl nđaih kơp dơn ntu\k têl ơm yău plei Ơi (hôm kuăl lah ntu\k têl ơm yău kađăch u\nh) lah drăp ndơ văn hoá ơm yău ntlơi an tay mô mpơl săk gưl neh dak. Năm 2015, Bộ kơp dơn nău way ơm [ư ôp brah mih hôm kuăl lah Yang Ptao hjan lah drăp ndơ ơm yău văn hoá ntlơi an mô mpơl săk gưl ngih dak. Gay hun hao n’hanh mât ndray drăp ndơ ơm yău văn hoá bah nu^h Jarai nkre đah hun hao văn hoá pâl nđaih, ntơm bah năm 2016, nkuâl ho\ ntop kơl an kônh wa [ư ăp nău way ơm ôp brah lah yang ta [on Rbai, na nê| lah [ư ôp brah mih [ư tâm nar 30/4 ăp năm”./.

Nu^h nchih rblang: Điểu Thân