VOV4.M’nông - Nga an rĭng nklăp 3 rmen 600 rkeh rúp (50 rkeh 700 rbăn đôlar) du nar ăp nău njrăng n’gang tay Covid-19. Kruanh N’gâng kan prăk kaih Nga Anton Siluanov nar 19/10 an gĭt, rĭng du nar Nga an nklăp 2 rmen rúp (rlău 28 rkeh đôlar) an nău njrăng n’gang tay Covid-19 yơn tâm ăp nar bah năp rnoh nuĭh ntưp Covid-19 mô rlu hao ri Nga lĕ dŏng tât 3 rmen 600 rkeh rúp. Yơn lah, n’ăp kơt nĕ, yơn Nga hôm e rgâl trong nchrăp tâm nău ntop kơl an ăp nuĭh ƀon lan ntưp Covid-19. Tĭng rnoh kơp, nar 19/10, Nga kơp dơn tay 1.015 nuĭh ntưp Covid-19 khĭt tâm 24 mông, rlău rnoh nuĭh khĭt yor kop srê aơ kơp dơn âk ngăn bah năp nĕ lah 1.002 nuĭh tâm nar 16/10. Mhe knŭng geh 42 rkeh ta dĭng lĕ 146 rkeh nuĭh ƀon lan Nga lĕ chuh tŏng ăp vaccine njrăng n’gang Covid-19.

Nŭih rblang: Y Sưng Phê Ja