VOV4.M’nông: Ân geh ƀư du đê̆ nau kan geh nkah tâm nau nchrăp đăp mpăn Minsk, mpeh nau kan ta Đông Ukraine lor ma ntrŭnh nau tâm nchră đăp mpăn tâm nkuăl aơ. Aơ lah nau lạh bah nŭih ntoh ngơi ân Điện Kremlin, Nga Dmitry Peskov bah năp nŭih nkoch mbơh nau lơ 11/4. Kŏ tĭng nŭih ntoh ngơi Điện Kremlin, aƀaơ, ăp nau kan chính trị bah rmôt 4 dak Normady mpeh nau kan Ukraine, geh Đức, Pháp, Ucraine, Nga dôl nsôih ăp nau kan tâm nchră đăp mpăn, nsrŭng nau tâm rkeh tâm mpeh Đông Ukraine. Êp aơ, nau kan ta mpeh Ukraine jêng duh lơn đah ăp nau tâm rkeh đah rkôt đăp mpăn ndrel tahen Chính phủ Ukraine. Nau kan aơ ƀư lam ntur neh rvê nau tâm rkeh jŏ jong 7 năm rlau ta Đông Ukraine mra geh nau duh tay./.

Nŭih rblang: H’Thi