VOV4.M'nông: Ta Ntŭk rgum pla n'hơ Ma-nhe-zơ (Manezh), thủ đô Moscow, pah kan nchrăp an rơh hop báo tâl 17 bah Tổng thống Nga Vladimir Putin. Rơh hop mbra ntơm tâm 12h00 nŭng nar 23/12 (4h00 kêng măng tĭng mông Hà Nội). Rơh hop báo way ăp năm bah Tổng thống Vladimir Putin mbra ƀư tĭng trong pơk mâp na nê̆ n'hanh pơk sŏng dăng, dơi nthoi ta du đêt bôk ƀoh lam dak. Năm aơ, tă khuch bah nuh srê COVID-19 jêng ban tổ chức mpăng đêt rnoh nhà báo râng. Jêng, nklăp geh 500 nhà báo dơi jă râng dơm, đêt rlău 2-3 tơ̆ rđĭl đah rnoh nuĭh râng ăp rơh hop báo ntơm nơh. Gay râng, ăp nuĭh ntơh măt nkoch trêng nău lư ân geh lôch 3 tơ̆ uănh năl PCR mô ntưp. Tĭng nău way, ntơm bôk rơh hop, nuĭh mât bôk kan Điện Kremlin mbơh ăp rnoh tơm mpeh wăng sa n'hanh rêh jêng kon nuĭh bah neh dak. Lôch nê ăp nhà báo mbra geh ăp nău ôp an Tổng thống.

Nuĭh rblang: Điểu Thân