VOV4.Mnông- Nga n’hanh Syria geh ndơ̆ tay ăp nuĭh gŭ du der plơ̆ sĭt dak nơm n’hanh ntrôl ngăch nău rjaih nău mpôl rnoi. Tổng thống Syria Bashar al-Assad nar 17-11 lĕ pah kan đah mpôl kan Nga yor đặc phái viên bâh Tổng thống Nga mpeh Syria, wa Alexander Lavrentiev leo hăn dôl tât khâl Syria. Bar ding lĕ tâm mbơh mpeh ntrong kan ndơ̆ sĭt ăp nuĭh gŭ du der plơ̆ sĭt dak nơm n’hanh ntrôl ngăch nău rjaih nău mpôl rnoi. Bar ding mbra geh ƀư tay ăp rơh tâm mâp ta âk gâl kan êng êng gay ma ƀư tĭng ăp nău dăn đă n’hanh tâm ton lĕ geh ký. Tổng thống Assad rnê âk nău khlăy bâh Nga tâm nău kơl an nuĭh ƀon lan Syria rlet rlău ăp nău geh tât rơh tâm rdâng đah mpôl rlăng n’hanh ăp nău rmal ndrel đah nău kơl an nău dơi bâh nuĭh Syria tâm nău mât neh dak n’hanh ƀư tơm neh dak.

Nuĭh rblang: Thị Đoắt