VOV4. M’nông: Tĭng nău mbơh bah Bộ Ngoại giao Trung Quốc, dơn nău jă bah Ngoại trưởng Trung Quốc Vương Nghị, Ngoại trưởng 4 dak Đông Nam Á lah Singapore, Malaysia, Indonesia, Philippines mbra khâl Trung Quốc ntơm bah nar 31/3 tât nar 2/4 tât. Ta rơh hop báo way ăp khay kêng măng (30/3) bah Bộ Ngoại giao Trung Quốc, uănh năl mpeh hăn khâl bơi tât bah Ngoại trưởng 4 dak Đông Nam Á tât Trung Quốc, nuĭh ntơh ngơi Hoa Xuân Oánh an gĭt, ăp dak Đông Nam Á lah ăp dak kâng n'har ta neh kơh n'hanh ta dak lêng bah Trung Quốc, lah dak tâm boh khlay tâm nău ndrel rdâk njêng "Trong der n'hanh gung trong". Nuĭh ntơh ngơi Bộ Ngoại giao Trung Quốc lah rjăp, hăn khâl Trung Quốc bah Ngoại trưởng 4 dak Đông Nam Á du tơ̆ tay đŏng mpơl nău tâm rsong hăn mbro, nău tâm rŏng nar lơn ma dêh bên jru đah Trung Quốc n'hanh ăp dak tâm kâng n'har Đông Nam Á./.

Nuĭh rblang: Điểu Thân