Lơ 27/2, n’gor Dak Lak ƀư nkah 70 năm Nar nai dak si Việt Nam (27/2/1955-27/2/2025), kơp dơn nau hun hao ăp ntil ndrel nau rgop bah ntŭk kan dak si tâm nau kan mât chăm n’hâm soan ân ƀon lan; nkah ăp nau nau rgop bah ăp nŭih nai dak si, cán bộ ngih dak si n’gor. Ntŭk kan dak si Dak Lak rnôk aơ geh rlau 6.660 cán bộ, nau dak si, tâm nê, geh 20,5% cán bộ, nai dak si geh lôch nti Đại học ndrel ba kơi đại học. Lam n’gor geh 92,3% ngih dak si geh nai dak si kơl an ndrel 100% ngih dak si geh nchrăp máy tính nthoi mạng, dŏng phần mềm mât dak si.

Ngăn lah, rnoh ngih dak si xã geh nau dơi neh dak tât năm 2030 hŏ rlet nau nchrăp luh. Bah năp nau ntul rlong bah ăp nau ji, kơt srê nuh A H1N1, Ebola, MERS-Cov, SARS ndrel ngăn lah Covid-19, ntŭk kan dak si Dak Lak hŏ nchrăp dŏng ăp nau kan dak si mhe kơt kơl an tâm play nuih, nchuăt thận, rek nội soi, n’huch nau jâk ân ngih dak si ba lơ. Đah ăp nau tă dơi kơp dơn, ntŭk kan dak si Dak Lak geh pă Huân chương Lao động ăp hạng, Cờ tâm rlong xuất sắc, ndrel âk Bằng khen bah Thủ tướng Chính phủ, N’gâng kan dak si; âk nai dak si ưu tú geh rnê ryơk./.