VOV4.M'nông: Tĭng quy định di rnoh ach o âk ding lvang năm 2021-2025 ta Nghị định mbrô 07 bah Chính phủ, rnoh di ach o bah nkual ƀon lan hao ntơm bah 700.000 prăk hao tât 1.500.000 prăk/khay, tĭng nê, rnoh Ngih dak ntop kơl rgop Bảo hiểm Xã hội râng êng n'hanh rnoh âk rgop Bảo hiểm Xã hội râng êng dŭt đêt năm 2022 tĭng hao nkre đŏng. Tĭng quy định bah Luật Bảo hiểm Xã hội, rnoh âk rgop Bảo hiểm Xã hội râng êng ăp khay dah 22% rnoh geh wăng sa khay tă bah nuĭh râng Bảo hiểm Xã hội râng êng sơch. Ndrĭ ntơm bah nar 01/01/2022, rnoh rgop Bảo hiểm Xã hội râng êng dŭt đêt lah 330.000 prăk/khay. Hao 176.000 prăk/khay rđĭl đah rnoh rgop Bảo hiểm Xã hội râng êng bah năm 2021. Nkre, rnoh ntop kơl prăk rgop bah Ngih dak đah nuĭh Bảo hiểm Xã hội râng êng hao đŏng. Tĭng nê, đah nuĭh râng mpeh rnăk ach o, rnoh prăk ntop kơl hao ntơm bah 46.200 rêl prăk hao 99.000 prăk/khay, rnoh prăk ntop kơl bah rnăk dăch kêng ach o hao ntơm bah 38.500 prăk hao 82.500 prăk/khay. Đah nuĭh êng ƀa ƀă geh rnoh prăk ntop kơl hao ntơm bah 15.400 rêl prăk hao 33.000 prăk/khay./.

       Nuĭh rblang: Điểu Thân