VOV4.M’nông: Ntŭk nkoch mbơh nau Australia mbơh, tâm pơh aơ, Nhật Bản ndrel Australia mra kí du nau nchrăp neh dak khlay. Aơ lah nau nchrăp kan neh dak têh ngăn ma Nhật bản kí đah dak ba dih tâm rlau 60 năm ma aơ, gay n’hao nau dơi rdâng nau tât mhe tâm nkuăl. Nau nchih bah Australia ndơ̆ mbơh nau nŭih ntoh măt bah Nhật Bản ta Australia Shingo Ya-ma-ga-mi mbơh, nau nchrăp kan neh dak ma Nhật Bản mhe ký đah Australia “pơk luh nau mhe ân nau tâm boh đah 2 dak” rnôk ma lĕ 2 ding mra n’hao ăp nau ntĭm nti tahen nsum n’ăp rnoh nŭih ndrel nau tâm gay ƀư n’hao nau tâm kơl đah tahen bar dak”. Nkre lah bar ding kŏ tâm nchră nau nchrăp mpeh ăp nau ƀư pă kơl ndơ dŏng tâm klơ trôk, lah ngoai tâm ăp nau kan jêr ngăn tâm nau tâm boh kan đah rmôt tahen trôk bah ăp dak./.

Nŭih rblang: H’Thi