VOV4.Mnông- Tahen Nhật Bản n’hanh Hàn Quốc uănh năl, Triều Tiên ôi nar 19/10 geh pănh dŭt đê̆ du grăp phao ŭnh bôk ndrak luh ta nkual bah dih kơh dak lêng mpeh luh nar dak aơ. Tĭng nău mbơh bâh hội đồng mbơh ôp nău kruanh rmôt tahen Hàn Quốc, du grăp phao ŭnh bôk ndrak geh pănh ta rnôk 10 mông 17 mnĭt ôi tĭng mông ta ntŭk. Nău mbơh bâh tahen Hàn Quốc an gĭt dôl uănh nđôi nkô̆ nău n’hanh mât nău tâm kơl đah Mỹ tâm rnôk mbra geh ăp rơh pănh mhe. Thủ tướng Nhật Bản Kishida Fumio mbơh Triều Tiên mbra lĕ pănh 2 grăp phao ŭnh bôk ndrak n’hanh mpơl nău nsoach mpeh nău Triều Tiên ƀư ăp rơh păng grăp phao ŭnh tâm ăp pơh dăch aơ.

Nuĭh rblang: Thị Đoắt