Đah nkô̆ nau “Buôn Ma Thuột-Ntŭk tât bah cà phê lam ntur neh”, lễ hội cà phê Buôn Ma Thuột tal 9 geh ntơm lơ 9-13/3 tât mra geh âk nau kan ueh, ăp nau pala n’aih rhŏ ân năch rnôk tât ma Dak Lak. Tĭng nê, Lễ hội cà phê tal 9 mra geh 34 nau kan ƀư pâl n’aih, kơt: Rarting ncho duk hao leng, uănh ăp nkô̆ nau mpeh cà phê, uănh nau ueh bah Buôn Đôn, nkuăl neh yau, plŏ sĭt tâm nkuăl yôk prêh, hăn uănh rveh đah rnoi Bunong, tâm rlong duk tâm nkuăl Lăk.

Tĭng wa Nguyễn Thuỵ Phương Hiếu, Groi Giám đốc sở Văn hoá-Thể thao-pâl n’aih Dak Lak, n’gor hŏ in 3000 ndrôm săm ƀŭt “nkoch trong pâl n’aih” rgum nau mbơh tât nau ƀư bah Lễ hội cà phê kŏ kơt lah nau mbơh rnoh lir, ntŭk hăn uănh, ngêt sa, rvăt ndơ...Nkre lah, nkra mã QR-Code gay năch nơih uănh tâm ăp ntŭk mrô, nau săch kan pâl n’aih tâm di./.