Kerry lah du hê bu ur Bahnar Rơ Ngao geh deh n’hanh têh kuăng tâm du rnăk vâl lĕ tă geh 4 rơh tanh cheh. Bâh ntơm hôm nha jê̆, yuh lĕ geh mê̆ n’hanh u nti tanh cheh- du nău kan ma nuih bu ur Bahnar uănh lah nău ryơk rnê bâh mpôl rnoi. ăp nău tanh cheh bôk năp bâh mpang ti bâh yuh tanh dŭt dơh yơn lah bok aơ geh dŏng tâm nău rêh ăp nar bâh rnăk vâl n’hanh tăch nchrai. Yơn lah đah nău mĭn kan mhe n’hanh nău gĭt blău ngăch ngăr, yuh geh saơ an lah ndơ tanh cheh Bahnar mbra dơi geh ƀư âk lơn, lah geh gĭt tâm rgop đah nău ueh mhe n’hanh way ơm, yuh Kerry nkoch.

 “Lah nkoch mpeh nău tanyh cheh gâp ntơm nti tanh kơt tanh bâh hôm nha jê̆, klâp ma ta rnôk bâh 8 năm deh hôm, gâp tĭng mê̆, tĭng u n’hanh gâp blău tanh hôm, yơn ma Kerry hăn nti Đại học ta nkuăl ƀon têh Hồ Chí Minh, lôch nĕ Kerry plơ̆ sĭt ta aơ gay ma mât nău ueh êng way ơm bâh rnăk vâl, Kerry ŭch n’hao tay nău ueh mpeh văn hóa bâh rnoi nơm”

Lôch nti ta ngih nti Đại học văn hóa nghệ thuật yơn đah nău ŭch rŏng khôm nău ueh ta ăp bok tanh cheh  jêng yuh ntêm lĕ mông nar an nău ŭch rŏng đah nău min tanh rla3wu ma ăp ntil ao tanh, bok way bên ƀư bâh tanh cheh way ơm geh tanh ma ti. Yuh ntơm nău kan đah ăp ntil ndơ mhe, bâh dŭng, katap, môp, an tât ăp ntil ndơ dŏng êng, ao vet, ao dai, mbân jong...ăp ntil ndơ lah du nău tâm rgop đah hnău ueh văn hóa way ơm n’hanh nău dơh dŏng tâm nău rêh mhe. Nô Nguyễn Mạnh Hùng, du hê nuĭh ƀư ndơ nsoh ta nkuăl ƀon têh Plei ku, n’gor Gia Lai an gĭt, ăp ntil ndơ tanh bâh Kerry mô dơn ueh êng mpehnău tâm rgop đah ndơ ơm n’hanh ndơ mhe ma hôm nha geh nău ueh êng, njêng nău dơh ueh an nuĭh nsoh ndơ.

 “Gâp lah du hê nuĭh ƀư ndơ nsoh, nău khlăy ngăn ma gâp geh gĭt lah du ntil ndơ tanh cheh yơn lĕ geh nău mhe, tâm rgop đah ndơ ơm n’ưhanh ndơ mhe. Rnôk geh pah ta ndơ ƀư ma ti way geh mbra ntil ndơ kơt lah ndơ tanh yơn lah nsoh mơ geh gĭt nău ueh bâh bok tanh”

Nô Trần Tuấn ùng, du hê năch bâh nkuăl ƀon têh Hồ Chí Minh nkoch.

 “Nar aơ gâp geh lap lah rlong ăp ntil ndơ tanh cheh bâh Kerry. Rơh bôk năp gâp nsoh saơ la dŭt răm, dŭt ueh ngăn, ăp ntil ndơ cheh ndrang ta ndơ tanh cheh dŭt ueh ngăn. Rnôk nsoh ta aơ gâp saơ kơt lah lăp ndrel đah nău ueh êng bâh Bahnar ta aơ, lơ ma n’hao tay nău rong, nău tâm rgpư đah oh nô nuĭh Yuan n’hanh Bahnar nơm”.

Rlet rlău ăp nău jêr jŏt mpeh ăp nău min cheh ndrang an tâm di đah nău ŭch ta ntuk tăch rtgâl ueh mhe yơn hôm nha geh mât kơt ơm huêng khlăy bâh ndơ tanh cheh Bahnar, rnoh ndơ ƀư tanh geh bâh ntŭk ơm rêh an tât ntŭk tăch rgâl, ntuk kan bâh yuh lĕ geh pơk hvi ntŭk tăch rgâl tât ăp n’gor êng tâm dak n’ưhanh dak bah dih. Tât aƀaơ Kerry lĕ geh 2 ntŭk kan tơm lah ta nkuăl ƀon têh Kon Tum n’gor Kon Tum n‘hanh nkuăl ƀon têh Đà Lạt ta n’gor Lâm Đồng. Yuh Kerry an git.

 “Ndơ tanh cheh Kerry lĕ geh tăch dŭt âk ta âk dak kơt lah: Trung Quốc, Hàn Quốc, Mỹ, Đức, Thụy Sỹ, Malaysia...Kerry ŭch n’hao tay nău ueh văn hóa ăp mpôl rnoi nơm, mô dơn ta dak, ta nkual neh ƀon tơm nơm ma hôm nha hun hao ta lam ntur neh đŏng”.

Kerry mô dơn lah du hê nghệ nhân mom ŭch rong đah nău kan tanh cheh, ma hôm nha lah nuĭh mbơh nti nău ŭch rŏng an âk băl mom tâm ntŭk rêh jêng. Nău nkoch bâh yuh lah nău mpơl an saơ ueh an nău rŏng tanh cheh n’hanh nău mhe mô rlu. Ăp ntil ndơ tanh cheh bâh Kerry mô dơn mât rbăy văn hóa ma hôm nha pơk trong mhe an bu ur Bahnar, nkre lah na nê̆ nău kan mhe, nău nsrôih n’hanh nău ryơk bâh mpôl rnoi bâh ăp bok tanh, ăp ntil ndơ ƀư ma ti.