Ăp nar dja, Pah kan nchrăp an Lễ hội Cà Phê Buôn Ma Thuột tâl 9 dôl dơi n’gor Dak Lak ndăn an ƀư. Ndrel đah nău ntrŭp sân khấu tơm ta Quảng trường 10/3 gay ƀư măng ntơm pơk n’hanh măng mpôch dŭt, ta nkual ƀon têh Buôn Ma Thuột n’hanh du đêt nkuâl bah Dak Lak hôm geh âk nău kan êng ƀa ƀă đŏng. 

Trong Phan Đình Giót, ăp doanh nghiệp cà phê bah nkual ƀon têh Buôn Ma Thuột hŏ ntơm ntrŭp ăp quán cà phê lơp chrêk gŭr ntơr, tâm lĕ rngôch ntŭk rlong ngêt dơm bah Lễ hội cà phê Buôn Ma Thuột. Công ty TNHH ƀư njêng n’hanh tăch rgâl Vương Thành Công, an gĭt, doanh nghiệp mbra rhŏ dơm nklăp 40 rbăn ly cà phê kah gay rhŏ an năch n’hanh nkơnh n’hơ an nău dơi nsum bah Lễ hội. Ta nkuâl Buôn Đôn, ntŭk ƀư ăp nău  kan săk ntơr kơt: Tâm rlong rveh Buôn Đôn; uănh joi rup uĕh văn hóa săk ntơr êng bah ƀon lan Lào, Rđe, Bu Nong dôl nchrăp lôch đŏng. Đah 17 nău kan tơm n’hanh âk bôk nău kan ntop kơl âk mpưm, Lễ hội cà phê Buôn Ma Thuột (ƀư ntơm bah nar 9 tât 13/3) mbra nsĭt tât ăp trong rlong saơ uĕh.