N’gor Gia Lai dôl trôl dăng dăp rgum n’hanh hun hao nkual Biển Hồ-Chư Đăng Ya jêng du nkual pâl nđaih ngih dak, đah mpŏng jêng trong hăn mhe an nău kan pâl nđaih bah n’gor n’hanh nkual Tây Nguyên. Tĭng dăp rgum ndâk ƀư, Nkual pâl nđaih Biển Hồ-Chư Đăng Ya geh dĭng lĕ rnoh neh rlău 5.000 ha, geh phường Thống Nhất n’hanh xă Biển Hồ.

Ntŭk aơ geh ăp ntŭk ntô ntoh lư: Biển Hồ, Yôk chè n’hanh yôk ŭnh Chư Đăng Ya. Ăp ngih pah kan dơi kan dăn đă dăp rgum 3 nkual nău kan: Pâl nđaih văn hóa tâm linh Biển Hồ, nkual têh rhŏ an pâl nđaih Chư Đăng Ya, pâl nđaih chè Biển Hồ, nkual têh mpông lăp Bắc Pleiku, n’hanh nkual têh sinh thái Biển Hồ A. Dăp rgum aơ dơi ƀư tĭng trong pơk, n’hŭch đêt ƀê tông, ryơk yôk neh geh ơm.