Măng nđaơ (5/8), ta Hà Nội, Rmôt Nuĭh khih dak si dioxin Việt Nam tâm rgop đah ăp ngih pah kan geh tât ƀư Bôk nău tâm nđŭr-nghệ thuật “Theo ánh bình minh”. Aơ lah nău ƀư geh nkô̆ di nkah gĭt 64 năm khuch khat dak si dioxin ta Việt Nam. Bôk nău ƀư mĭn lah nău uănh kơl jru bah Đảng, Ngih dak, lĕ trong chính trị; lah nău hăn ndrel, kơl khlay bah nuĭh ƀon lan, ăp rmôt kan, êng nuĭh, ăp nuĭh lŏng bôk tôr tâm dak n’hanh lam ntŭr neh lĕ nkoch, rgop mkra khuch khat dak si hóa học, mât chăm, kơl nuĭh khih dak si dioxin.

Tă bah ăp trăch nghệ thuật uĕh tâm srah đah ăp nău nkoch n’hanh tâm nđŭr đah ăp nuĭh lah nuĭh khih dak si dioxin, Bôk nău tâm nđŭr nghệ thuật “Theo ánh bình minh” đah bôk nău  na nao “Joi naư rêh-rgum lăp nsum”, lĕ nkoch, rêng hvi ntrong ƀư ntop kơl joi nău rêh săk rnglăy, kơl nuĭh khih dak si dioxin rlet rlău jể jŏt, tâm rnglăp nsum ntŭk gŭ rêh.