UBND n’gor Gia Lai n’gluh an dŏng trong nchrăp ƀư lễ hội “Rsang rnglăy bri neh têh hvi-dak lêng ư̆r wăch rgum năm 2025”  gay nkơnh n’hơ ăp rnoh khlay săk ntơr bah nkual neh bazan n’hanh săk geh wăng sa dak lêng. Lễ hội nchrăp ntơm pơk măng 29/8, geh moh “Nđơr  geh dak lêng ư̆r – Bri neh têh hvi chrat ang" ta nkual ƀon têh dak lêng Quy Nhơn.

Ndrel đah nê lah âk nău kan ntoh lư kơt: Lễ hội trong nkual ƀon têh “săk ntơr dak lêng dĭ hvi”; Nar rgum văn hóa cà phê, chĭng gong Tây Nguyên; Lễ hội ndơ sa "Trău kah bah neh bazan n’hanh dak lêng"; pla n’hơ ndơ geh ƀư OCOP n’hanh ƀon hăr blău ti kan way ơm; ăp bôk nău kan nchreng an uănh võ thuật Bình Định mbra dơi tâm păch rlŭ đah nchreng an uănh chĭng gong Tây Nguyên, tuồng n’hanh bài chòi. Lễ hội mbra mpôch dŭt ma lơp chrêk gŭr êr ŭnh ta Quảng trường Nguyễn Tất Thành. Aơ lah du bôk nău kan uĕh êng gay nkre đah ăp rnoh khlay way ơm, njêng săk ntơr êng an Gia Lai tâm let năp tay./.