Rhiăng rbăn ly cà phê mbra dơi rhŏ ngêt dơm an năch n’hanh nuĭh ƀon lan râng Lễ hội cà phê Buôn Ma Thuột tâl 9 năm 2025. Tât rnôk dja hŏ geh rlău 500 quán cà phê ta nkual đăng ký rhŏ ngêt dơm cà phê dŭt đêt tâm 1 nar 10/3 đah nklăp 200 rbăn ly cà phê ngêt dơm.

Ndrel đah nê, tâm ăp nar ƀư Lễ hội (ntơm bah 9 tât 13/3), mbra geh bar pe jât ntŭk ta nkual ƀon têh Buôn Ma Thuột an ƀư nău kan ngêt dơm cà phê kơt ta Chợ phiên ndơ tuch tăm, ndơ geh ƀư OCOP nkual ƀon têh Buôn Ma Thuột, trong Tôn Đức Thắng, phường Tân Lợi; Trong siƀŭt cà-phê Buôn Ma Thuột mbrô 2, trong Phan Chu Trinh, phường Thành Công; trong Phan Đình Giót n’hanh Quảng trường 10/3… Nău ƀư bôk nău kan ngêt dơm cà phê mô dơn kơl năch rlong ngêt ly cà phê dŭt n’hŭm ƀô kah ma hôm rgop n’hao rnoh khlay săk ntơ lư cà phê Buôn Ma Thuột ta ntŭk tăch rgâl lam ntŭr neh.