PGS.TS Nguyễn Trọng Phúc, tă kan Viện trưởng Viện Lịch sử Đảng, Học viện Chính trị Ngih dak Hồ Chí Minh lah na nĕ, tă geh âk nău pah kan geh Đảng, ngih dak pă jao mât dơn âk nău pah kan ta âk nău leo kan tơm khlăy bol ma mpeh nău kan lý luận mô lah nău ngăn, Tổng Bí thư Nguyễn Phú Trọng lĕ geh ăp nău ntop kan dŭt khlăy ntoh blău, nău aơ lĕ geh lĕ Đảng, lĕ tahen he, nđâp ma băl mpôl ăp dak bah dih kơp dơn, rnê mpư âk.

”Aơ lah du ntil Huân chương geh bâh rơh Việt Nam dân chủ Cộng hòa, Huân chương Sao Vàng an gay ma pă an nuĭh kan geh nău dơi dŭt ntoh lư đah nău kan cách mạng Đảng, ngih dak bâh neh dak ma geh âk nău ntop soan pah kan ma ăp nuĭh kan ntoh lư mât leo, kơp dơn ăp nău pah kan têh kuăng lĕ ma tâm rgop têh bâh đồng chí Tổng Bí thư đah nău kan bâh neh dak he”.

Lah na nê̆ nău mĭn tâm rnglăp bâh mpôl rnoi n’hanh nău knơm lĕ rgôch ta nău leo kan bâh Đảng Cộng sản Việt Nam dâk bôk năp lah Tổng Bí thư Nguyễn Phú Trọng bâh âk ăp rơh ƀon lan tâm lam dak tâm ba năp nơh, wa Bùi Thị An, kruanh Hội bu ur gĭt blău Hà Nội, kruanh câu lạc bộ bu ur khoa học bâh Liên đoàn lao động nkuăl ƀon têh Hà Nội nkoch rnôk tăng lư Tổng Bí  thư Nguyễn Phú Trọng dơn Huân chương Sao vàng bâh ăp ntŭk kan ntoh rup ntoh ngơi.

 “Huân chương Sao Vàng Huân chương dŭt khlăy bâh neh dak Việt Nam nĕ rnôk pă an đồng chí Tổng Bí thư Nguyễn Phú Trọng lah mpơl nău kơp dơn nău lah ueh bâh lĕ đảng lĕ ƀon lan lĕ tahen đah đồng chí Tổng Bí thư”.

Âk nău tâm rgop uănh năl, tâm 3 rơh pah kan bâh khóa 11 năm 2011 tât aƀaơ, Tổng Bí thư Nguyễn Phú Trọng lĕ geh âk nău tâm rgop têh đah rơh hun hao bâh neh dak, ngăn lah ta rơh rgâl mhe ntrôl dăng công nghiệp mhe, nău rêh mhe, lăp kan ndrel đah lam ntur neh, ƀư tĭng dơi trong kan mât neh dak ta rơh mhe. Ngăn lah, Tổng Bi thư lĕ geh âk nău tâm rgop kan têh mpeh lý luận, đah nău kan mĭn uănh n’hanh geh saơ mhe lah tác phẩm: “Du đê̆ nău lý luận n’hanh nău ngăn mpeh chủ nghĩa xã hội n’hanh trong hăn hao tĭng chủ nghĩa xã hội ma Wa Hồ lĕ geh săch. Yor kơt nĕ , nău nkhôm rnê dŭt têh khlăy bâh Đảng n’hanh ngih dak pă an Tổng Bí thư Nguyễn Phú Trọng lah nău kơp dơn rnê khlay ntop kan têh bâh Tổng Bí thư ta ăp trong pah kan. PGS.TS Đào Duy Quát tă kan groi kruanh rnâng kan Tuyên giáo Trung ương nkoch.

 “Đảng, Ngih dak he mbơh nău ntrŭnh n’hanh pă an Huân chương Sao vàng an đồng chí Tổng Bí thư Nguyễn Phú Trọng lah du nău kan kơp dơn bâh Đảng, Ngih dak n’hanh ƀon lan he đah nău pah kan n’hanh ăp nău tâm rgop têh bâh đồng chí Nguyễn Phú Trọng đah nău kan cách mạng n’hanh nău kan rgâl mhe bâh neh dak he, mpôl rnoi he, aơ lah nău kơp dơn têh khlăy n’hanh tâm rgop dŭt khlăy ngăn đah nău kan cách mạng bâh mpôl rnoi he.

Wa Y Nuel Niê, kruanh ƀon Ako Dhong, phường Tân Lợi, nkuăl ƀon têh Buôn Ma Thuột, n’gor Đăk Lăk rhơn rnôk geh gĭt nău mbơh bâh n’gâng kan chính trị lĕ geh nău ntrŭnh pă Huân chương Sao vàng an Tổng Bí thư Nguyễn Phú Trọng. Wa Y Nuêl nkoch.

  “Tổng Bí thư Nguyễn Phú Trọng dơn Huân chương Sao vàng lah dŭt tâm di. Nău kan dŭt khlăy bâh wa lah  njrăng rdâng nău sa khiăn sa ƀer dŭt dăng, njrăng rdâng nhup ban nuĭh sa nkhiăn tât dŭt tât tơm. Tât aƀaơ bôk nău kan njrăng sa nkhiăn sa ƀer geh săk rnglăy ngăn”.

Tăng lư n’gâng kan Chính trị lĕ ntrŭnh pă Huân chương Sao vàng an Tổng Bí thư Nguyễn Phú Trọng, wa Trương Duy Cảnh, 70 năm deh, 44 năm đảng, gŭ ta tổ dân phố 2, phường Lê Lợi, nkuăl ƀon têh Kon Tum, n’gor Kon Tum an gĭt.

“Nău Tổng Bí thư Nguyễn Phú Trọng geh ngih dak pă Huân chương Sao vàng dŭt tâm di. Nău mĭn bâh wa lah nău mĭn bâh nuĭh Cộng sản rŏng đah ƀon lan, yor ƀon lan . Ngăn lah ta rơh njrăng rdâng sa nkhiăn sa ƀer bâh Đảng n’hanh Ngih dak ma sŏng dăng lah wa Nguyễn Phú Trọng lah kruanh rnâng kan njrăng rdâng sa nkhiăn sa ƀer bâh Đảng, wa lĕ ntĭm leo răng dăng, nsrôih mô der mô djưn du hê nuĭh. Wa ƀư an ƀon lan knơm, Đảng djăt knơm, n’gâng kan wăng sa xã hội chủ nghĩa hun hao dăng. ăp rơh cán bộ hăn ba kơi bâh Đảng an geh kơt nti, hăn tĭng gay ma tâm di lah đảng viên, tâm di lah cán bộ, tâm di lah nuĭh ƀon lan dak Cộng hòa xã hội Chủ nghĩa Việt Nam.