Dĭng nar lơ 29/9, ta Ngih kâp ndeh mpar lam ntur neh T2 tach ndeh mpăr Cam Ranh, UBND n’gor Khánh Hoà hĭ ƀư rơh vơt bôk ndeh mpăr bôk năp tă bah Moscow bah ntrong tach ndeh mpar Nordwind Airlines, pơk tay trong mpar Nga-Nha Trang jêh bơi tât 5 năm nsrŭng. Tâm tach ndeh mpar lam ntur neh T2, 20 bu năch bôk năp geh pă nkao ndrel nklâm ndơ nkah. Ăp nau ƀư njroh, mprơ, âm nhạc geh nteh ueh gay vơt dơn năch, njêng ntŭk ueh m’ak, tâm dăch dơh.

Âk bu năch ntoh nau ŭch ngăn, rhơn ngăn rnôk plŏ tâm Khánh Hoà, ntŭk njưh jâng tă mơng đah dak lêng, choih, nar. Nau kan ndâk tay trong mpar Nga mô êng leo tât nau khlay ân rơh mpar dak ba dih khlay, ma hôm ƀư rjăp Khánh Hoà lah ntŭk tât tâm dăch dơn, ueh, rƀŏng tât nkô̆ nau jêng n’gâng tơm pâl n’aih bôk năp bah Đông Nam Á./.