Ta quảng trường Lâm Viên-Đà Lạt, Cục Văn hóa cơ sở, Rnăk wâl n’hanh Thư viện, N’gâng kan Văn hóa, Thể thao n’hanh Pâl nđaih tâm rgop đah UBND n’gor Lâm Đồng ƀư Mpla nsơ rup ntrŭt nsôr păng têh nkoch trêng Đại hội đại biểu lam dak rơh tal 14 bah Đảng. Mpla nsơ ƀư bah aƀaơ tât lơ 3/12.

Mpla nsơ nkoch tât nuĭh ƀon lan n’gor Lâm Đồng n’hanh năch pâl nđaih 120 păng rup ntrŭt nsôr dơi săch bah rơh tâm rlong rup ntrŭt nsôr nkoch trêng Đại hội đại biểu lam dak rơh tal 14 bah Đảng yor Cục Văn hóa cơ sở, Rnăk wâl n’hanh Thư viện ƀư. Ăp ndơ mpla nsơ ta mpla nsơ tă bah rup n’hanh nău nchih njuăl du nău mbơh nkoch trêng jru hvi, n’hao nău wât, nău mĭn chính trị jêng nău tâm ban ŭch nău kan bah Đảng, tâm ban ŭch tâm ban ŭch kon nuĭh gay ƀư lôch uĕh Đại hội 14 bah Đảng n’hanh ndơ̆ Nghị quyết đại hội lăp ngăn tâm nău rêh. Wa Hoàng Thị Lầm, phường Xuân Hương-Đà Lạt, an gĭt, saơ nău rgâl mhe bah Đà Lạt, uănh ăp păng rup ntrŭt nsôr ta mpla nsơ, wa ntô̆ n’hao đah ăp nău geh ma Đảng, Ngih dak n’hanh nuĭh ƀon lan lĕ dơi geh tâm rơh ndâk njêng n’hanh hun hao neh dak.