Ta Jay mprơ n’hanh pla n’hơ văn hóa nghệ thuật n’gor Lâm Đồng (phường Phan Thiết) ƀư Lễ mpôch dŭt “Khay rlong uănh pâl nđaih Lâm Đồng năm 2025”. Tâm du khay aơ, n’gor Lâm Đồng hŏ ƀư 9 bôk nău kan, nău kan têh gưl n’gor n’hanh bơi 50 bôk nău kan, nău ƀư ta ăp xã, phường, đặc khu.

Ăp bôk nău kan văn hóa, thể thao, pâl nđaih âk mpưm Tâm khay rlong uănh pâl hŏ njêng nău tâm nsĭch uĕh, wăch rgum rlău 1,8 rkeh tơ̆ năch pâl nđaih, tâm nê geh nklăp 75.000 tơ̆ năch dak bah dih tât hăn uănh pâl, rlong gĭt. Wa Đinh Văn Tuấn, Groi kruanh UBND n’gor Lâm Đồng lah rjăp, Khay rlong uănh pâl mô dơn lah rêng kan uĕh mƀak an năch pâl nđaih, ma hôm  lah rnôk gay ntĭk n’hao ăp rnoh khlay văn hóa săk ntơr êng bah n’gor Lâm Đồng mhe lôch n’glăp nsum, hun hao ngăch, dêh bên.