Lam trong kan pâl nđaih ăp tŏng nău lư bah n’gor Lâm Đồng aƀaơ hŏ nchih n’glăp bah 1.700 ntŭk manh gŭ nde, 928 ntŭk rhŏ dŏng ndơ ngêt sa, 283 ntŭk pâl nđaih, 137 ntŭk rvăt năp, 617 ntŭk pâl rlưn rlu rlău n’hanh 644 ntŭk geh dŏng ngăch nsum mpôl. Aơ lah jâng nsing khlay rhŏ dŏng pah kan mât uănh ngih dak, ntrŭt ntrôl ngăch nkơnh n’hơ pâl nđaih, nkre mbơh nău lư ăp tŏng mpeh ntŭk tât n’hanh ăp ndơ rhŏ dŏng pâl nđaih an nuĭh ƀon lan, năch. Wa Lê Thị Trúc Linh, Groi Giám đốc Sở Văn hóa, Thể thao n’hanh pâl nđaih n’gor Lâm Đồng, an gĭt, n’gor hŏ an ƀư ăp ntŭk lĭr mã QR mbơh nău lư ta âk ntŭk pâl nđaih ntoh lư ta nkual đŏng.