6 khay bôk năm, wăng sa bah n’gor Lâm Đồng geh 7,9%; êng 6 khay geh 9, 22%. Yơn lah, gay jêh nău rƀŏng hao jêng bah 10% let lơ tâm năm 2026, 180 nar hôm ƀa ƀă mbra lvang ntrŭnh an.

Bí thư N’gor ủy Lâm Đồng Y Thanh Hà Niê Kđăm mĭn lah, nău rƀŏng hao jêng 2 rnoh mrô lah nău đă khlay gay n’gor rgâl mhe tâm lvang hun hao mhe. Wa đă ăp gưl, ăp nău kan kơp uănh trong ƀư hao jêng, mĭn kloh tĭng prăk kaih, tĭng nău nchrăp ƀư n’hanh tĭng nău kan khlay; ƀư tĭng đah nuih n’hâm “Ntŭk kol, dôh rklaih ta ntŭk nĕ”, mô an roh dơi hun hao.