Lơ 14/3, N’gâng kan Văn hóa, Thể thao n’hanh Pâl nđaih Gia Lai ntơm ƀư mpla nsơ mbah rhơn 50 năm Nar rklaih đăp mpăn n’gor Gia Lai (16/3) n’hanh 50 năm Rklaih đăp mpăn miền Nam (30/4). Mpla nsơ “Năm khay kăl e-Gia Lai-Kon Tum bah kơi năm 1975” ƀư ta Quảng Trường Đại đoàn Kết, nkual ƀon têh Pleiku, mpla nsơ 150 păng rup khlay mpeh nău rêh nuĭh ƀon lan Gia Lai-Kon Tum, nkoch mpeh ăp ntil nău rêh kơt ngêt sa, gŭ âm, hăn nsong, nti ren, pah kan... lah nuĭh n’hâm dŭt dăng rlet rlău bah nuĭh ƀon lan jêh nar rklaih đăp mpăn.

Ta Bảo tàng n’gor Gia Lai, mpla nsơ bôk nău “Gia Lai 50 năm ndâk njêng n’hanh hun hao” nkoch 3 nkô̆ nău khlay geh: Uĕh ntơr văn hóa Gia Lai; Gia Lai tâm njrăng n’gang rklaih đăp mpăn rnoi nuĭh; 50 năm ndâk njêng n’hanh hun hao. Mpla nsơ nkoch nău way ơm janh dăng n’hanh ăp nău geh wăng sa, văn hóa, rêh jêng, rnă njrăng, mât njrăng bri dak bah n’gor, nkre mĭn lah nău nsing nơm tâm nău rđău bah Đảng. Jêh nĕ lah mpla nsơ “50 năm văn hóa nghệ thuật n’gor Gia Lai” nkoch 80 tác phẩm nghệ thuật, chŭp rup ntoh lư n’hanh 120 ndơ ƀư mĭn njêng mpeh văn hóa, nghệ thuật dân gian. Tâm nău ƀư mpla nsơ pơk mpông bah aƀaơ tât lơ 4/5.