Ôi lơ 27/3, UBND nkuăl Phú Thiện ƀư nau ôp brah kuăl mih bah Brah ŭnh ndrel nau tâm rlong nau ueh ơm-thể thao ăp rnoi mpôl đê̆ tal XVI tâm nkuăl nkah ơm ueh neh dak ta Plei Ơi, xã Ayun Hạ, nkuăl Phú Thiện, n’gor Gia Lai gay mbơh nau ơm ueh ndrel nau dăng dơi văng sa, rêh jêng, rgum bu năch ndrel nŭih ntuh kơl tâm nau kan pâl n’aih. Nau ƀư brah kuăl mih tâm yôk Chư Tao Yang, yor wa Siu Phơ, ndơn ƀư Kđăch ŭnh tal 14, ndrel ma ăp bu ranh ƀon ndrel ƀon lan kơl ƀư tơm. Nau ôp brah dăn ân trôk, neh leo tât mih lăng prăng ueh, ân tơm tăm jêng rŏ ndrel ƀon lan tâm rnglăp, săk dăng lăng ngăch, rlet rlau nau mhik.

Ndrel ma ôp brah nê lah nau tâm rlong nau ơm-thể thao, đah âk nau kan kơt lah goh gong, tanh sah tanh dông, trah si, tanh njuh ndrel ăp nau pâl kơt nchuăt djơng djơt, pănh na ndrel kdăt bao bố. Ngăn lah, nau tâm rlong hăn jêng đah nkô̆ “Tĭng nhoat jâng Kđăch ŭnh” kŏ geh ƀư, njêng nau ueh khuh n’gôr./.