Đah nău kan ndâk nsơm na nê̆ nđâp mpeh ăp nău njroh mprơ n’hanh ŭnh đen ndơ nteh, festival lĕ an nuĭh ŭanh du bôk nău kan nghệ thuật ueh uănh, ryơk rnê ăp nău khlăy mpeh nău mĭn kan têh bâh nău ueh êng văn hóa chĭng gong Tây Nguyên, ryơk rnê nuĭh tơm bâh nău ueh ntoh lư lah ăp ƀon lan ăp mpôl rnoi Jrai, Bahnar, Rđe, Xê Đăng, Giẻ Triêng, Mnông...gŭ rêh  ta 5 n’gor yôk prêh lah Kon Tum, Gia Lai, Dak Lak, Dak Nông, Lâm Đồng. Ta rơh Festival, n’gor Gia Lai dŭt rhơn rnê geh vơt dơn bằng pă dăp nău ueh ngih dak ntoh lư bâh Thủ tướng Chính phủ đah ntil di tích Rộc Tưng - Gò Đá n’hanh nău ntrŭnh kơp dơn ndơ khlăy ngih dak đah nău mât rgum ndơ dŏng ma loih lŭ Sơ Kỳ Đá ơm ta An Khê.

Ta rơh geh ƀư “pơh văn hóa- pâl nđaih n’gor Gia Lai năm 2023”, rlău 1 rbăn nghệ nhân tât bâh ăp ntŭk bâh 5 n’gor Tây Nguyên lĕ tât râng tâm rlong tŭr chĭng hăn ta trong nkuăl ƀon têh, geh âk nău mât uănh bâh âk nuĭh ƀon lan n’hanh năch. Ndơ̆ leo chĭng gong bâh ăp ngih jay tât nkuăl ƀon têh, dăch lơn đah ƀon lan lah trong kan ma ăp n’gor Tây Nguyên mpŏng tât mât rbăy n’hanh n’hao nău khlăy nău ueh văn hóa chĭng gong- Di sản văn hóa mô mplơl săk bâh kon nuĭh.

Bâh rơh tâm nđur mbra ntop ƀư nhao tay lơn nău dơh nơih gay ma tâm nđur văn hóa, n’hao tay lơn nău tâm rnglăp, tâm gĭt vât, tâm kơl ndrel đah ƀon lan ăp mpôl rnoi tâm n’gor Gia Lai n’hanh âk mpôl rnoi dôl gŭ rêh ta ăp n’gor Tây Nguyên.