Nar ƀư tât lĕ nar 20/4, rgum âk nău kan uĕh kơt pla n’hơ siƀŭt tĭng bôk nkô̆, tâm nđŭr nău uĕh blău nău nchih – nuĭh tơm nchih, rgum nchră, nkơnh n’hơ siƀŭt, pla n’hơ rup nghệ thuật, ndơ geh ƀư STEM, rlong công nghệ pơk joi n’hanh rŏ siƀŭt 4.0, ndeh thư viện …Nar rgum siƀŭt geh hăn ndrel bah 20 nhih pah kan, đơn vị n’hanh doanh nghiệp tâm n’hanh bah dih n’gor, đah lĕ rngôch rnoh khlay kơl an ƀư tủ siƀŭt bơi 130 rkeh prăk an ăp nhih nti ta nkual ƀon têh Buôn Ma Thuột, nkuâl Buôn Đôn n’hanh Lắk. Nkhêp geh rnôk dja, ƀư rơh tâm rlong Đại sứ Văn hóa rŏ siƀŭt ta n’gor Dak Lak năm 2025, gay rêng lam văn rŏ siƀŭt, njêng nău way bên rŏ siƀŭt an kon se nti, sinh viên ta nkual ƀon têh.