Ta rơh pah kan, wa Đào Mỹ, groi kruanh UBND n’gor Đăk Lăk lah na nê̆, lôch rnôk đăp mpăn nău leo kan, n’gâng kan an geh rgum ntĭm đă gay ma ƀư lôch bôk nău kan an n’hao pâl nđaih bâh n’gor. An geh kơp uănh tâm di, tâm ban rnoh nuĭh kan, bôk nău kan, an geh gĭt ngăch rơh nkhêp gay ma sŏk dŏng nău dơi, nău geh đah 2 nkual Đông- Tây Đăk Lăk. Rlău ma nău leo ƀư ăp nău kan rĭ an geh ƀư mhe, njêng geh ntil ndơ pâl nđaih mhe gay ma geh âk năch pâl nđaih tât.

Kêng măng 10/7, UBND n’gor Lâm Đồng lĕ geh nar pah kan đah N’gâng kan Văn hóa, Thể thao n’hanh pâl nđaih mpeh nu nău ƀư, mbơh ƀư nău kan jêh nglăp nsum. Nău tâm rgop 3 ntŭk kan Đà Lạt-Phan Thiết-Gia Nghĩa gay ntrôl pâl nđaih hun hao dơi nkoch. Ta nar pah kan, wa Hồ Văn Mười, Kruanh UBND n’gor Lâm Đồng năl lah, Lâm Đồng geh neh ntu têh gay hun hao mpeh văn hóa, thể thao n’hanh pâl nđaih. Tâm nĕ Đà lạt kuăl lah “Lâm Đồng rbăn nkao”, Bình Thuận kuăl lah “Lâm Đồng dak lêng pŭt”, Dak Nông kuăl lah Lâm Đồng đại ngàn. Lĕ rngôch ăp nău têh dăng, nău geh têh aơ an geh tâm rgop tâm ban, uĕh nsum n’hanh rĭng ri nău kan pâl nđaih bah n’gor mư hun hao têh dăng n’hanh nâp nâl.