Ôi lơ 8/3, Hội văn học Nghệ thuật ƀư nau nkah 70 năm nar vay ơm nklih rup Việt Nam ndrel rgŏ jă 2 rơh tâm rlong rup “Buôn Ma Thuột-Dak Lak tâm rnglăp ndrel hun hao” ndrel “Rnôk ƀư Lễ hội Cà phê Buôn ma Thuột tal 8, năm 2023”.

Tâm nar ƀư, ăp ntoh măt ndrel nkah tay nau vay ơm 70 năm Nklih rup Việt Nam ndrel Nklih rup Dak Lak. Ta Dak Lak, jêh rlau 30 năm kơp ntơm rnôk ndâk, rmôt nklih rup (tâm Rmôt Văn học Nghệ thuật) tât rnôk aơ geh 33 nŭih, tâm nê geh 17 nŭih lah tâm rmôt nklih rup bah Trung ương, geh 4 nŭih geh pă nkôm nau dơi nŭih nklih rup ueh ngăn ndrel Ueh ngăn ngên. Ăp nŭih nklih rup bah Dak Lak mro mât tâm dăch nau rƀŏng bah Đảng, geh ăp âk ntil rup ăp ntil bah nau rêh, văn hoá rêh jêng, hun hao văng sa, đăp mpăn neh dak, tâm rnglăp bah lam ntur neh, ntĭm nti ndrel pah kan tĭng nau ueh ang Hồ Chí Minh... Rgop nau nkoch mbơh rup gui Dak Lak, Tây Nguyên, neh dak ndrel kon nŭih Việt Nam tât đah băl bên tâm ndrel bah dih dak. Rnôk aơ, Hội Văn học Nghệ thuật Dak Lak rgŏ jă 2 nau tâm rlong nklih rup geh: Rơh tâm rlong ndrel mpla rup “Buôn Ma Thuột-Dak Lak tâm rnglăp ndrel hun hao” năm 2023 ndrel rơh tâm rlong rup “Nau ueh lễ hội Cà phê Buôn ma Thuột tal 8 năm 2023”./.