Nar nđaơ (26/10), ta Buôn Tơng Jŭ, phường Ea Kao, Hội Văn học Nghệ thuật Dak Lak ƀư n’glôch jêh Jrô tiăr nti Njroh way ơm ƀon lan Tây Nguyên năm 2025.

 Râng jrô nti, bơi 30 nuĭh nti tât bah ăp câu lạc bộ, rmôt njroh mprơ, ƀon lan tâm n’gor lĕ dơi Nghệ sĩ Ưu tú Vũ Lân na nê̆ ntĭm kỹ thuật njroh bah nơih n’hanh jêr, tâm rgop tŭr chĭng, ƀư brah way ơm, kơl nuĭh nti wât jru lơn mpeh tu tơm, nkô̆ nău n’hanh tâm di uĕh rnôk njroh mprơ.

Tĭng nuĭh văn Niê Thanh Mai, Kruanh Hội Văn học nghệ thuật n’gor Dak Lak, jrô tiăr nti lah nău ƀư ngăn ngên mât rƀăy n’hanh mât uĕh nău khlay văn hóa way ơm bah ăp rnoi nuĭh Tây Nguyên, nkre ntĭm nti rmôt nghệ nhân mom, nuĭh tơm njroh mprơ bah dâng.