“Nđơr an lĕ nău gĭt blău- Nău rêh di an druh ndăm” lah nkô̆ rgum nchră tă bah Tỉnh Đoàn Dak Lak kan nsum đah Hội Văn học Nghệ thuật ƀư ôi ntri (18/3) ta Trong siƀŭt Cà phê Buôn Ma Thuột.

Ndrel đah nê lah rêng ăp nău  kan tâm nchră, nkoch n’hơ siƀŭt “Druh ndăm gĭt klach nău dơn kan”, pla n’hơ  rup “Suan mom khay 3” n’hanh rgŏ jă tĭng pơh 2 rơh tâm rlong joi gĭt Lịch sử 120 năm têh jêng, hun hao n’gor Dak Lak. Ta rgum nchră, ăp năch jă hŏ ndrel nkoch bri, tâm ôp mpeh nkô̆ ndrôm siƀŭt “Druh ndăm gĭt klach nău dơn  kan” tă bah Nhà xuất bản Chính trị Quốc gia Sự thật n’gluh dŏng năm 2023. Ndrôm siƀŭt dja mbâl bơi 350 plơp, đah 23 nău nchih lah rgum ăp nău nchih báo chí, gŭ mĭn bah ăp Kruanh rđău kan Đảng, Ngih dak; Đoàn, Hội, nhà báo, doanh nghiệp ta âk nkô̆ êng êng. Ta bôk nău kan, Ban tổ chức pla n’hơ rlău 50 tác phẩm rup nkô̆ Suan  mom khay 3”, mpơl  âk rup uĕh mpeh ăp bôk nău kan bah mom ndăm n’gor Dak Lak ta ăp trong kan./.