UBND n’gor Gia Lai mhe geh samƀŭt ntĭm rđău ăp n’gâng kan, nău kan n’hanh UBND ăp xă, phường mbơh ƀư nău tâm pă ntŭk kan, ngih kan drăp ndơ rhŏ an ntrong ƀư n’gâng kan ƀon lan mhe jêh nglăp nsum ntŭk kan hành chính. Tĭng nĕ, Kruanh UBND n’gor Gia Lai, wa Phạm Anh Tuấn đă ăp ntŭk kan ƀư tĭng rjăp ăp nău ntĭm bah Trung ương n’hanh N’gâng kan Prăk kaih tâm nău dăp, dŏng săk rnglăy ntŭk pah kan, đăp mpăn nău ƀư na nao bah n’gâng kan 2 gưl.

Nău mkra drăp ndơ rmeh an di nău ntrŭnh, dêr roh rui, mpŭng lir; mô an tăch ntŭk kan, ngih pah kan sự nghiệp nsum. Nău mô tŏng đah ngih wâl ndoh ndơ, ăp ntŭk kan dơi rwăt năp ntop tay tĭng tâm di an, nkre kơl lor nkra, ƀư uĕh ntŭk pah kan ơm gay rhŏ nău kan. UBND n’gor Gia Lai lah nău đăp mpăn năp rwăt ndoh ndơ an Ntŭk rhŏ kan hành chính nsum, ndơ mâp prăp samƀŭt rhăch nău, ngih gŭ an cán bộ trơn pah kan jêh nglăp nsum.