Ôi (29/9), ta phường Buôn Ma Thuột, n’gor Dak Lak ƀư Tâm nchră khoa học sĭt jêng tay bri nkre đah hun hao pâl nđaih bri dak nsum mpôl ƀon lan. Tâm nchră tă bah Ntŭk rgum gŭ mĭn bri krŏng (Tropenbos) ƀư, đah nău tât râng bah ăp nuĭh khoa học, ntơh măt ăp n’gâng kan n’hanh nsum  mpôl ƀư pâl nđaih ta ntŭk. 4 rmôt nsum mpôl râng tâm nchră mbơh rblang na nê̆ nău nău ƀư nkre đah sĭt jêng tay bri n’hanh hun hao pâl nđaih n’hanh dơn geh âk nău rgop tâm di.

Ăp nuĭh ntơh măt, nuĭh gŭ mĭn lah rjăp ta tâm nchră: pâl nđaih nsum mpôl lam ƀon lan mô dơn kơl mât ndray bri ma hôm rgop rgâl joi geh trong rêh, n’hao geh nău rêh nuĭh ƀon lan, lơn lah kônh wa rnoi mpôl đê̆. Mpeh bah n’gor, wa Nguyễn Sơn Hưng, Kruanh jrô kan Mât uănh nău kan pâl nđaih, Sở Văn hóa, Thể thao n’hanh Pâl nđaih n’gor Dak Lak, mpơl nău tâm ban ŭch đah ăp trong rbang gĭt mpeh nău mpŏng- dơh soih- jêr jŏt bah nău sĭt jêng tay bri nkre đah pâl nđaih bri dak, nkre an gĭt, Dak Lak mbra geh đề án mhe an pah kan dja geh nău dơi tam lơn.