Deh luh tâm du rnăk wâl geh nău way ơm cách mạng, 1 năm deh, yuh Y Nhưp kon đơi me bơ\. Bơ\ luh êng hăn kan cách mạng. 3 yuh nur têh jêng tâm nău ro\ng, mât nkrum bah [on lan. Lôch nar neh dak dơn ngoăy, yuh Y Nhưp so\k du hê nu^h bu klô ndăm gơih nđơr, ngăch prăl tâm [on- nô A Hlấp.

            Nar nê nơh, ta [on plei Trang neh hvi, nu^h đêt. Ur sai yuh Y Nhưp ntơm du nău rêh mhe ma nău khai hoang neh tăm tao. Nar măng ur sai ndrel gu\ sa tâm bri, b^ch ta mir, nsrôih kan mpo\ng u\ch phâm [ư jêh aơ tay rơh kon său he geh nar klaih luh nău rêh ach o jêr jo\t. khai hoang ntu\k tât, ur sai yuh nô tăm tao tât ntu\k nê. Lor bôk năp tăm 2ha tao dơm, lôch nê tăm hao tât 6ha. Geh bar pe tơ\ tăm tao, rnoh khlay hu\ch hao rgoh n’gơ, ur sai yuh tâm nchră sreh tao gay ma tăm bum blang. Rlău ma  tâm pă so\k do\ng, mât 8 mbung sa rnăk wâl (2 hê ur sai n’hanh 6 mblâm kon), ăp khay tât rôk bum, yuh Y Nhưp ntêm an rvăt 1- 2 mblâm ndrôk gay mât rơ\ jêng mpôl đah mpo\ng u\ch rgâl trong r[o\ng hun hao wa\ng sa rnăk wâl yor neh tăm bum blang sât blak, ns^t geh wa\ng sa hu\ch. Mô jo\ ndrôk mpôl le\ hao rơ\ tât 15 mblâm, nkre [ư suan têk, nkre so\k ăch poh an tơm tăm.

            Năm 2005, [on Trang mô ho\ geh nu^h tăm cao su, tâm du tơ\ ju\r thị xã Kon Tum (nkual [on têh Kon Tum a[aơ), yuh tăng lư tăm cao su ns^t geh wa\ng sa âk n’hanh âk ntu\k kônh wa le\ ntuh kơl rgâl neh tăm bum blang sât blak tăm cao su. Dôl rvoah rvăch joi trong r[o\ng hun hao wa\ng sa, yuh Y Nhưp rvê êng tâm săk s^t tâm nchră đah sai trong nchrăp tăm ntil tơm mhe d^l. Mô g^t nău ue\h êng tơm tăm, mô g^t mpeh trong tăm n’hanh mât chăm, tor rtăk ntil cao su phâm [ư yơn yuh Y Nhưp đă I sai nsrôih lah mbra [ư dơi le\ rngôch. Ndr^ lah bar hê ur sai tâm rdeng nsum ju\r tât ăp xã meng nkual [on têh Kon Tum gay đă ăp rnăk nt^m nti, kơl mpeh kỹ thuật.

            Rơh rgâl bôk năp, ur sai yuh Y Nhưp rlong tăm 3ha cao su. Mpeh tơm prăk ntuh kơl gay rvăt kon si ntil, phân poh, yuh Y Nhưp le\ đă cán bộ chi hội bu ur tâm thôn, hội bu ur xã nt^m nti manh 2 rkeh prăk bah NHCSXH gay geh prăk rvăt kon si ntil; nchăm manh săm[u\t an do\ng neh manh Ngân hàng NN n’hanh Phát triển Nông thôn 12 rkeh prăk gay ntuh kơl rvăt phân poh mât chăm mir tơm. Lôch 1 năm, saơ mir tơm nđ^r ue\h, ur sai yuh tăch le\ 15 mblâm ndrôk gay ma ntuh kơl tăm tay 3ha cao su. N’hanh rơh dja le\ ơm geh nău g^t kan jêng ur sai yuh mô hôm rvăt kon ntil ma ươm êng ntil gay bah ir roh huach prăk do\ng bôk năp. Năm 2011, ur sai yuh Y Nhưp le\ rvăt tay 1,6ha neh tăm tay cao su đo\ng.

            Ăp năm bôk năp, gay đăp mpăn nău rêh rnăk wâl, ur sai yuh tăm bum blang rlu\ tâm mir cao su. Năm 2012, 3ha cao su bah rnăk yuh an geh sa ngăn. Mô ho\ g^t trong [ư tor rtăk, n’hanh ndrel I sai n’hanh ăp oh kon hôm hăn ôp joi nău ơm g^t kan bah kônh wa đo\ng, râng ăp jrô nti tập huấn mpeh tor rtăk cao su tă bah n’gor [ư. Ndr^ jêng năm 2013, rnôk rnăk yuh geh tay 2ha tât năm tor rtăk đo\ng n’hanh nău tor rtăk jêng hăr lơn jêng nău geh ta rnoh mbơm oi, n’hâp le\ prăk do\ng kan nha hôm 150 rkeh prăk đo\ng. năm 2014, rnăk yuh Y Nhưp geh tay 1ha cao su lăp tor rtăk đo\ng. ăp năm, tât khay tor rtăk, rlău ma ăp nu^h kan tâm rnăk wâl, yuh hôm manh tay 4-5 nu^h kan tâm [on đah prăk nar luh trok bơi 5 rkeh prăk/khay.

            Ntơm bah ntu\k mô g^t nău tăm tơm công nghiệp geh rnoh khlay wa\ng sa âk, a[aơ ăp nu^h kan tâm rnăk wâl yuh Y Nhưp le\ d^ng nu^h le\ hăr ti kan da dê. yuh Y Nhưp an g^t, lah 8ha cao su rnăk yuh lăp tor rtăk le\, đah rnoh khlay kơt a[aơ, ăp năm rnăk yuh ns^t geh bar pe rhiăng rkeh prăk lôch rnôk n’hâp le\ prăk kan đo\ng.

            A[aơ, ăp kon yuh Y Nhưp le\ geh ur sai luh gu\ êng, ăp kon geh ur sai yuh rvăt an 1-2ha neh tăm cao su da dê. Bol ma le\ klaih rlău rơh krit jêr yơn đah yuh Y Nhưp way nt^m nti nkah oh kon he nsrôih wa\ng sa, mpêt nkrem do\ng sa đo\ng yor lah mô geh trong nchrăp do\ng sa na nê|, nsrôih pah kan jan sa ri ach o nha m[ui t^ng mbro đo\ng. Tât n’gău dak bât Ya Ly, bơi tât aơ tay, yuh Y Nhưp dôl geh trong nchrăp mbra mât rơ\ kik gay ma ntop geh tay wa\ng sa an rnăk wâl đo\ng./.