VOV4.M’nông: Kơp ntơm 12h lơ 6/8, nkuăl ƀon têh Gia Nghĩa n’gor Dak Nông lôch nau tâm nkhah srang tĭng nau ntrŭnh mrô 16 bah Thủ tướng Chính phủ, ntrơn jêng nau nkhah tĭng nau rđau rmô 15 gay ma njrăng, rdâng srê Covid-19. Tâm 14 nar ƀư nau nchueng rdâng nkah dak si, nkuăl ƀon têh Gia Nghĩa mô geh nau ntưp mhe đah kman SARS-Cov2 tâm ƀon lan. Nŭih ƀon lan tâm ăp ntŭk ntoh srê geh sŏk mham uănh năl mô geh ntưp.

Yơn lah, bah năp nau srê hôm geh âk, nau ntưp mra tât, nkuăl ƀon têh hôm 5 ntŭk njrăng tâm trong tơm. Ăp ngih tăch ndơ sa, dak ngêt geh pơk mpông tăch ân bu leo nsĭt. Nkuăl ƀon têh nsrŭng tay nau rƀŭn rgum, ăp nau kan rgum rlau 20 nŭih tâm du jrâu. Êng nau kan tâm ntŭk kan, ngih săm ƀŭt, ngih dak si mô dơi rgum 10 nŭih hao gŏ lơ, nsrŭng ăp nau rƀŭn rgum, pah kan geh nau rgum ntơm 20 nŭih hao gŏ lơ./.

Nŭih rblang: H’Thi