VOV4.Mnông – Ôi 22/3, Quốc hội Lào khóa 9 lĕ ntơm ƀư rơh rƀŭn bôk năp gay jêh ăp săk gưl nău kan ntĭm rđau tơm bah neh dak n’hanh tâm nchră, tă bah âk nău khlay geh tât trong rƀŏng hun hao bah Lào tâm 5 năm tât. Rơh rƀŭn ƀư ta Ngih Quốc hội Lào mhe, di kơt nău mĭn lah bah wa Pany Yathotu-Kruanh Quốc hội Lào khóa 8 rnôk ntoh ngơi ntơm rơh rƀŭn lah: “Ndơ ƀư dŭt n’hâm uĕh, mhe, geh nău ƀư uĕh, văn hóa bah neh dak Lào, lah ndơ khlay bah Đảng, Ngih dak n’hanh nuĭh ƀon lan Việt Nam oh nô an Đảng, Ngih dak n’hanh nuĭh ƀon lan Lào”. Ta rơh rƀŭn aơ, Quốc hội Lào mbra săch ăp nuĭh kruanh tơm bah neh dak kơt Kruanh dak, Kruanh Quốc hội, Thủ tướng chính phủ n’hanh mbơh an săk nuĭh Chính phủ yor Thủ tướng đă, săch ăp nuĭh kruanh bah Quốc hội khóa 9. Tâm rơh ntơm ƀư, Quốc hội Lào lĕ săch wa Saysomphone Phomvihan ƀư Kruanh Quốc hội Lào khóa 9; n’hanh 5 groi Kruanh Quốc hội n’hanh Ủy ban Thường vụ Quốc hội geh 9 nuĭh.

Nuĭh rblang: Y Sưng Phê Ja