VOV4.M'nông: Tâm nchră dak bah dih mpeh dak lêng tâl 13 ntơm pơk ngăn nar (18/11) ta Hà Nội, tĭng 2 trong ƀư na nê̆ n'hanh sŏng dăng. Ƀư tâm 2 nar, tâm nchră geh tât râng bah rlău 500 nuĭh rblang nkô̆ nău tâm n'hanh bah dih dak, tâm nchră ăp trong tât mhe tâm nkô̆ nău dak lêng. Đah nkô̆ "Uănh tay kăl e yor du nău rêh chrat ang let năp tay", tâm nchră geh 8 rơh tâm rkhăch nău lah: "Dak lêng tâm rnôk lam ntŭr neh dôl rgâl"; "Rdâk tay ăp grep nău tâm di ta dak lêng"; "Ân geh nău tâm ban đah ngăn geh, kăl e n'hanh dak lêng"; “ASEAN n'hanh QUAD tâm păch tanh nkual”... aơ lah ăp nkô̆ geh nău duh mhe,  dôl tâm pă ăp nău tât ngăn ta dak lêng aƀaơ. Dŭt njrăng, đah nău tât râng bah rlău 500 nuĭh rblang gĭt nkô̆ nău tâm n'hanh bah dih dak, lơn lah nău tât râng bah ăp nuĭh Đại sứ, nuĭh kan tâm boh dak bah dih ta Việt Nam, tâm nchră dak bah dih tâl 13 mô dơn lah rjăp du rgum nchră học thuật dak bah dih nsing nơm ma hôm dơi mpŏng mbra joi ăp trong tât mhe tâm nkô̆ nău dak lêng./.

Nuĭh rblang: Điểu Thân