VOV4.M’nông – Kruanh tâm rnglăp nchră nău Gabrielius Landsbergis mhe an gĭt, gay ƀư tâm rnglăp đah Cộng hòa Séc, 3 dak Baltecs geh Ét-xtô-ni-a, Lát-vi-a n’hanh Lít-va mhe ntrŭnh mbra mprơh du đêt nuĭh tâm rnglăp nchră nău Nga. Tĭng kuanh nchră nău Gabrielius Landsbergis , 2 nuĭh kan đại sứ quán bah Nga ta dak aơ lĕ dơi mbơh “lah ăp nuĭh mô dơi wơt” yor khân pơng lĕ geh âk nău ƀư mô tâm di ăp trong ntrŭnh tâm rnglăp nchră nău bah dih n’hanh 2 nuĭh aơ geh 7 nar gay luh sĭt bah Lít-va. Kruanh nchră nău Lát-vi-a Ét-ga Rin-kê-vích mbơh dak aơ mprơh du hê tâm rnglăp nchră nău Nga. Tâm rnôk, N’gâng kan tâm rnglăp nchră nău Ét-xtô-ni-a mhe ndơ̆ nău ntrŭnh mprơh du hê tâm rnglăp nchră nău Nga, geh tât nău rtoh ntŭk grăp phao bah tahen Séc tâm năm 2014 ma ntôn geh tât bah ăp ngih pah kan mbơh tơih nău dak Nga.

Nŭih rblang: Y Sưng Phê Ja