VOV4.Mnông- Rnoh geh gĭt n’hanh dŏng rnoh kơl tơm prăk bâh nuĭh ƀon lan ta nkual ƀon lan gŭ, nkual njônh ngai hôm nha mô geh âk. Aơ lah nău ngăn dôl geh mbơh ta rơh rƀŭn nchră “ ntrôl tơm prăk lĕ rngôch mpŏng tât hun hao nâp nâl tuch tăm, nkual ƀon lan gŭ ta Việt Nam”, yor tạp chí Ngân hàng, Ngân hàng ngih dak leo ƀư. Tât dŭt khay 10 năm aơ, rnoh an manh kơl hun hao tuch tăm, nkual ƀon lan gŭ geh bơi tât 2,5 rkeh rmen prăk, hao 9,2 % đah năm 2020, geh 25% rnoh rmeh rnon nsum lam n’gâng kan wăng sa. Yơn lah, ta meng ăp nău dơi geh, nău kơl an tơm prăk lĕ rngôch mpŏng tât hun hao nâp nâl nău kan tuch tăm, nkual ƀon lan gŭ hôm nha geh âk nău mô hŏ geh dơi ƀư. Uănh năl mpeh nău gĭt dŏng bâh nuĭh ƀon lan đah ăp nău kan yor ntrong kan ngân hàng pă an, aƀaơ hôm nha geh nău tâm ƀah têh đah nkual ƀon têh n’hanh nkual ƀon lan nsum, đah ăp nkuăl ƀon têh n’hanh ăp n’gor ta nkual njônh ngai. Wa Nguyễn Kim Anh, groi Thống đốc Ngân hàng ngih dak uănh năl ăp nău kơl kan an geh mpŏng tât ndâk nsơm ngăch nău aơ.

Nuĭh rblang: Thị Đoắt