VOV4.Mnông-Tĭng Nghị định 07/2021 bâh chính phủ ntrŭnh mbơh nău ntrŭnh kơp dơn ach o lĕ rngôch lvang năm 2021-2025, bâh năm 2022, nău geh râng geh ba dâng 1 rkeh 500 rbăn prăk/hê/khay nkuăl ƀon têh mbra geh pă kơp ta rnoh ach o, dăch ach o. Tâm lvang năm 2022-2025, Việt Nam mbra geh dŏng kơp dơn ach o lĕ rngôch mhe đah nău n’hao rnoh ach o mpeh nău geh n’hanh uănh năl tay nău kơp dơn ach o mhe mpeh nău kan. Tĭng nĕ, rnoh tâm di rnăk ach o, dăch ach o mpeh nău geh mbra sŏk nsum rnoh 1.500.000 prăk/hê/khay ta nkual njônh ngai n’hanh 2 rkeh prăk/hê/khay ta nkual ƀon têh. Rnăk ach o n’hanh dăch ach o mbra geh êng êng ta nău pah kan ntŭk rêh jêng hôm mo hŏ tŏng. Nău rgâl aơ mbra geh ntrŭt đă ăp ntŭk mât uănh ntuh kơl n’huch ach o an ăp rnăk ƀon lan ta ăp nău kan hôm mô geh ta meng nău geh dơi pah kan. Nău hao mpeh rnoh geh uănh năl tâm di ach o mhe n’hanh ăp nău kơl kan ta ntŭk rêh jêng mbra ƀư n’hao rnoh rnăk ach o, dăch ach o. Yơn lah, nău kơl an mbra geh lĕ rngôch n’hanh kơl ngăn ngên lơn tât ăp nuĭh ach o, dăch ach o tâm lvang năm bâh 2022-2025.

         Nuĭh rblang: Thị Đoắt