VOV4.M’nông - Ntoh ngơi ta du rơh rgum nchră, Ủy ban Quốc vụ viện nkre ƀư Kruanh N’gâng kan tâm rnglăp nchră nău Trung Quốc Vương Nghị lah rjăp, Trung Quốc mbra kơl tay tâm rnglăp nchră nău ăp ding, n’hŭch tâm nsrâng-tâm nchră. Wa Vương Nghị an lah, nu nău lam ntŭr neh năm 2021 geh âk nău rgâl n’hanh lam ntŭr neh dôl rdâng đah âk ntŭl rlong mô hŏ tă geh. Yơn lah, đah nău rđău bah Đảng Cộng sản Trung Quốc, dak aơ lĕ geh âk nău dơi. Tĭng wa Vương Nghị, nău kơt dŏng nău kơl tâm nchră ngăch đah nău ŭch ndâk njêng du nsum mpôl ndrel tâm rgŏ năp, sŏk nău uĕh bah nuĭh ƀon lan ƀư tơm, lĕ nsĭt tay ăp nău geh an Trung Quốc. Năm 2022 mbra lah năm bah meng gay Trung Quốc ƀư tĭng ăp nău rƀŏng 100 năm rơh tal 2. Tĭng nĕ, Trung Quốc mbra ntrôl tâm nchră nău ăp ding, nsrôih ndâk njêng ntŭk ntô bah ding đăp mpăn n’hanh dơh uĕh.

          Nuĭh rblang: Y Sưng Phê Ja