VOV4.M’nông –  Ntơm tâm khay dŭm hô bah yan pĕ lêh năm 2021, rpŭng kai ndôt ndal jŭr thuk hôm 3.000 prăk/kg. Nău aơ ƀư âk nuĭh ƀon lan tăm rpŭng kai ta Gia Lai geh roh soan, roh prăk ntuh kơl. Aƀaơ, ta n’gor Gia Lai geh rlău 1.000 ha rpŭng kai, rgum ta ăp nkuăl Krông Pa, Phú Thiện, Ia Pa, Chư Prông... Yan rpŭng kai way tâm 3 khay dŭt năm, ƀon lan an ƀư choanh bĭch sa ta mir gay mât chăm dŭt ŏk r’ah.

Nuĭh ƀon lan ƀư n’hưp choanh ta mir tâm 3 khay gay mât chăm rpŭng kai

Năm aơ, rnoh tăch thuk hô, ƀư nău rvê nĕ lĕ mô dơi geh sa tâm di. Wa Nguyễn Tuấn Anh-Groi Kruanh UBND xă Ia Mơr, nkuăl Chư Prông an gĭt: rnôk aơ năm e khlay bah 6000 tât 700 prăk/kg ri kônh wa geh sa. Yơn aƀaơ, khlay nklăp 2.500 tât 3.000 prăk/kg ri du ha, roh rlău 10 rkeh prăk, jêng dŭt jêr jŏt an kônh wa, dŭt ŭch geh nău ntop kơl du gâl.

            Nŭih blang: Y Sưng Phê Ja